Við óskum viðskiptavinum okkar gleðilegs nýs árs.  Þökkum kærlega fyrir skemmtilegt liðið ár í von um gott áframhaldandi samstarf á því nýja.

Starfsfólk Draumagarða

Við óskum öllum viðskiptavinum gleðilegra jóla og farsældar á nýju ári.  Eigið góðar stundir um hátíðarnar og sjáumst á nýju ári. 

Kær kveðja starfsfólk Draumagarða.

Nú fer hver að vera síðastur að klára jólaskreytingarnar.  Þeir sem ætla að skreyta garðinn sinn fyrir jólin skulu hafa hraðar hendur á ef ætlunin er að kaupa nýtt skraut.  Vinsælar perur í skreytingar eru að verða búnar hjá söluaðilum en nóg er þó í boði af 2.flokks seríum.  Gangi ykkur vel og gleðileg jól.

Eftir rúma viku mun fyrsti sunnudagur í aðventunni renna sitt skeið og því eru margir farnir að huga að jólaskreytingum.  Við erum byrjuð að taka niður pantanir á jólaskreytingum fyrir einstaklinga og fyrirtæki.  Á hverju ári koma nýjar jólaseríur sem vert er að skoða.  Í ár eru það LED-perurnar sem eru að verða mjög vinsælar enda verðið alltaf að lækka á þeim, ásamt því að þær eru afar eyðslugrannar.

Við hjá Draumagörðum erum þessa dagana í fullum gangi að taka niður pantanir í trjáklippingar.  Með hækkandi sól vonum við að hættan á vorhreti sé liðin.  Til þess að viðhalda góðu heilbrigði hjá trjám er gott að klippa þau reglulega og rétt klipping skiptir þar höfuðmáli.  Því miður eru mörg dæmi um að menn klippi hreinlega alla blómstrun í burtu með rangri klippingu.  Þú getur treyst því að fá fallega blómstrun eftir meðhöndlun okkar garðyrkjufræðinga.  Með vor í hjarta og fallega klippta garða.

Fiðrildalirfurnar eru nú í óða önn að koma sér fyrir á laufblöðum trjánna um þessar mundir. Þar munu þær verða feitar og pattaralegar af ofáti á gómsætu laufinu ef ekkert er að gert. Draumagarðar bjóða upp á að losa fólk við þennan óskemmtilega gest og halda trjánum frá þessu átvagli.

Við hjá Draumagörðum erum þessa dagana í fullum gangi að klippa og snyrta tré og runna.  Með hækkandi sól vonum við að hættan á vorhreti sé liðin.  Til þess að viðhalda góðu heilbrigði hjá trjám er gott að klippa þau reglulega og rétt klipping skiptir þar höfuðmáli.  Því miður eru mörg dæmi um að menn klippi hreinlega alla blómstrun í burtu með rangri klippingu.  Þú getur treyst því að fá fallega blómstrun eftir meðhöndlun okkar garðyrkjufræðinga.  Með vor í hjarta og gleðilega páska.

Nú þegar hlýnar og vor er handan við hornið er gott að fara að huga að garðinum. Eitt af því fyrsta sem þarf að athuga er að limgerði og tré hafi ekki vaxið of mikið og séu farin að teygja sig út fyrir lóðarmörk garðsins. Það getur truflað gangandi vegfarendur og aðra þá sem nota gangstéttar bæjarins.

Lauf sem falla af trjánum á haustin geta verið hin mesta búbót fyrir þann er að gera moltu í eigin garði. Einnig eru þau góð ábreiða yfir moldarbeð og halda þar aðeins hærra hitastigi og mynda örlítið moldar og næringarlag. En laufið á ekkert erindi á grasflatir, hellulögð svæði eða annarsstaðar í garðinum yfir veturinn.

Við hjá Draumagörðum erum byrjuð að klippa og erum að taka niður pantanir fyrir nýja garða.  Nú er einmitt góður tími til að láta klippa limgerðið og aðra runna.

Óskum öllum viðskiptavinum okkar gleðilegs nýs árs og þökkum viðskiptin á liðnu ári.  Nýárskveðjur, starfsfólk Draumagarða !

Við hjá Draumagörðum erum byrjuð að vinna að jólaundirbúningi.  Fyrst og fremst erum við að sinna þeim haustverkefnum við að undirbúa garðinn vel fyrir veturinn.  Einnig munum við halda áfram að létta fólki verkið við að skreyta garðinn og húsið fyrir komandi jól.  Enda er fátt fallegra en vel skreyttir jólagarðar frá Draumagörðum.

Draumagarðar opnuðu í vikunni nýja heimasíðu.  Hér munum við reyna að miðla eftir bestu getu allt það sem við höfum upp á að bjóða fyrir viðskiptavini okkar.  Einnig vonumst við eftir að þetta geti verið létt og skemmtileg síða fyrir garðeigendur til að skoða.  Hún er þó enn í vinnslu að hluta til.

Hafnarfjarðarbær og Draumagarðar hafa gert samning til næstu þriggja ára (2008 - 2010) um slátt á helstu hljóðmönum og opnum svæðum bæjarins.  Það verður skemmtilegt að sjá til þess að þessi svæði verði vel hirt á 100 ára afmælisári Hafnarfjarðarbæjar.